ប្រាសាទស្រី​លក្ខណ៍ ឬ ប្រាសាទគោកខ្វិត គឺជា​ប្រាសាទ​បុរាណ​មួយ​ ដែលមានវ័យចំណាស់ជាង៩០០ឆ្នាំមុន ។​ប្រាសាទ​នេះ​មាន​ទីតាំង​ស្ថិតក្នុង​ទីទួល​មួយ ដែល​ទើប​កសាងវត្តថ្មី នៅជាប់​ព្រំដីប្រាសាទក្នុងភូមិខ្វិត ឃុំ​តាំងក្រសាំង ស្រុក​បាធាយ ខេត្តកំពង់ចាម ជាប់​និង​ព្រំប្រទល់ ឃុំ​ព្រៃ​គ្រី ស្រុក​ជល​គី​រី​ ខេត្តកំពង់ឆ្នាំង ។

​តាម​រៀបរាប់​របស់លោក ចក់ សុ​គង់ ប្រធានការិយាល័យ​វប្បធម៌ និង​វិចិត្រសិល្បៈ ស្រុក​បាធាយ​​បាន​និយាយថា តាម​ការស្រាវជ្រាវ​រប​ស់​ក្រសួង​វប្ប​ធ​ម៏ និង វិចិត្រសិល្បៈ​បានអោយដឹងថា ប្រាសាទ​​មួយ​នេះ​ឈ្មោះ​ពិត​របស់​វា គឺ “ ប្រសាទ​គោក​ខ្វិត ” ចំណែក​ឈ្មោះ ប្រាសាទ​ស្រី​លក្ខណ៍ គឺជា​ឈ្មោះ​​ក្រោយ ដែលចាស់ៗនៅ​វត្ត​នេះ​ដាក់ឈ្មោះ​ថ្មីតែប៉ុណ្ណោះ ។​​ ប្រាសានេះធ្វើពីថ្មបាយក្រៀមក្នុងចន្លោះ​សត​វ​ត្យ​រ៍ទី១១​ និង១២ ។​

 

 

📌ផែនទី៖ https://maps.app.goo.gl/9JkYHC2NXMQkmaoU7