ប្រាសាទ​តាមាន់​ធំកសាង​ឡើងដើម្បី​ឧទ្ទិស​ដល់​ព្រះសិវៈ​ក្នុង​ព្រាហ្មញ្ញសាសនា នៅ​ក្នុង​សម័យ​អាណាចក្រអង្គរ ដែល​មាន​ទី​តាំង​ស្ថិតនៅលើជួរភ្នំដងរែក។ ប្រសិន​បើ​គ្មាន​ដើម​ឈើ​នៅ​លើ​ជម្រាល​ភ្នំ​នៅ​ពី​មុខ​ប្រាសាទ គេ​នឹង​ឃើញ​មាន​ទិដ្ឋភាព​ដ៏​ស្អាតលើដី​ទំនាប​របស់​កម្ពុជា​ឆ្ពោះ​ទៅ​ភាគ​ខាងត្បូង ហើយ​ប្រសិន​បើ​គេ​ចេញ​ពី​ខ្លោង​ទ្វារ​ប្រាសាទ គេ​អាច​ធ្វើ​ដំណើរ​លើ​ផ្លូវ​បុរាណ ដែល​មក​ពី​រាជធានី​អង្គរ ចំណែក​នៅ​ខាង​ក្រោម​មាន​ស្រះ​ទឹក​បុរាណ​មួយ។