តំបន់​ព្រះ​រំកិល​ជា​​អន្លង់​ផ្សោត​​ឈើ​ទាល ​​ស្ថិត​នៅ​ព្រំ​ប្រទល់​​​​​​ខ្មែរ​ឡាវ​ ​ក្នុង​ទឹក​ដី​ឃុំ​ព្រះ​រំកិល​ ​ស្រុក​ថាឡាបរិវ៉ាត់​ ​ខេត្ត​ស្ទឹងត្រែង និង​មាន​​ចម្ងាយ​​ប្រហែល​ ៦៩​គីឡូម៉ែត្រ​ពី​ទី​រួម​ខេត្ត។ ​ពេល​ទៅ​ដល់​​មាត់​ទន្លេ​មេគង្គ​នៅ​ព្រះ​រំកិល ​​នៅ​ម្ខាង​ទន្លេ​​​មាន​កោះ​​ស្ដាំ ​ស្រុក​ចំប៉ាសាក់ ប្រទេស​ឡាវ រីឯ​កោះ​ខាង​ស្ដាំ​ដៃ​​ឈ្មោះ​ថា «កោះ​ល្ង»​ជា​កោះ​​ខ្មែរ រីឯ​​ប្រជាជន​នៅ​ទីនោះ​​ ក៏​ចេះ​និយាយ​ភាសា​ឡាវ​ច្រើន​ផង​ដែរ។