មគ្គុទ្ទេសក៍ទេសចរណ៍​មួយ​ចំនួន​បាន​អះអាង​ថា​ ​ជីវភាព​របស់​ពួកគេ​ចាប់ផ្ដើម​ងើបឡើង​វិញ​បន្តិច​បើ​ប្រៀបធៀប​ទៅ​នឹង​ពេល​ដែល​ជំងឺ​កូ​វី​ដ​-​១​៩​ផ្ទុះ​ការ​រាតត្បាត​ខ្លាំង​នៅ​ទាំង​ប្រទេស​។​ ​ការ​ងើបឡើង​បណ្ដើរៗ​នេះ​ ​បន្ទាប់ពី​រដ្ឋាភិបាល​សម្រេច​បើក​ដំណើរការ​ប្រទេស​ទាំងស្រុង​ឡើងវិញ​ ​ខណៈ​ទេសចរ​បរទេស​ក៏​ចាប់ផ្ដើម​ងើបឡើង​វិញ​ជា​បណ្ដើរៗ​ផង​ដែរ​។​

​មាន​វ័យ​៥​២​ឆ្នាំ​ ​លោក​ ​ហៀ​ក​ ​សេង​ហួត​ ​មគ្គុទ្ទេសក៍​ទេសចរណ៍​នៅ​ខេត្ត​សៀមរាប​ជាង​២​០​ឆ្នាំ​ ​បាន​និយាយ​ថា​ ​សព្វថ្ងៃនេះ​ ​ភ្ញៀវ​ទេសចរ​បរទេស​ចាប់ផ្ដើម​មាន​ឡើងវិញ​ ​តែ​មិនសូវ​ច្រើន​ទេ​ ។​ ​ប៉ុន្តែ​ការ​ងើបឡើង​វិញ​នូវ​ភ្ញៀវ​ទេសចរ​បាន​ធ្វើ​ឱ្យ​ជីវភាព​របស់​លោក​​​មានការ​ប្រសើរ​ឡើងជា​ង​ពេល​ដែល​ប្រទេស​ត្រូវ​បាន​បិទ​ខ្ទប់​។​